AQSHD

KEESD

Komisioni Epror i Ekspertizë së Sistemit të Drejtësisë (KEESD)

Baza Ligjore:
  • Ligji 9154, datë 6.11.2003 “ Për Arkivat” Ndryshuar me Ligjin nr. 27/2024, datë 4.4.2024), neni 9 pika (b/ii), neni 19 pika (4) e tij,
  • Nenet 32-35 të “ Normave tekniko profesionale dhe metodologjike të shërbimit arkivor në Republikën e Shqipërisë “,
  • Nenit 5 të vendimit nr. 4 , datë 19.06.2017 të Këshillit të Lartë të Arkivave.
  • VKM-së nr. 250 , datë 30.04.2025, “Për organizimin dhe funksionimin e Arkivit Qendror Shtetëror të Drejtësisë”.
  • Shkresa e Ministrisë së Drejtësisë për këtë çështje me nr.5425/1 prot datë 10.11.2025.
Përbërja institucionale.

 

Titullari i Arkivit Qendror Shtetëror të DrejtësisëKRYETAR
Punonjësi i protokollit të Arkivit Qendror Shtetëror të DrejtësisëSEKRETARE
Këshilli i Lartë GjyqësorANËTAR
Gjykata e Posaçme Kundër Korrupsionit dhe Krimit të OrganizuarANËTAR
Gjykata e Apelit të Juridiksionit të Përgjithshëm TiranëANËTAR
Gjykata Administrative e Apelit, TiranëANËTAR
Prokuroria e PërgjithshmeANËTAR
Prokuroria e Juridiksionit të Përgjithshëm TiranësANËTAR
Gjykata e Juridiksionit të Përgjithshëm TiranëANËTAR
Organizimi i KEESD sipas emertesës së institucioneve që përfaqësojnë

Organizimin e Komisionit Epror të Ekspertizës së Sistemit të Drejtësisë” prej 9 (nëntë) anëtarësh  sipas konfirmimeve të institucioneve përbërëse  të tij ( bashkëlidhur konfirmimet zyrtare) me përbërjen si më poshtë:

1. Zeqir Zeqaj (Drejtor AQSHD) KRYETAR
2. Tereza Kokona (Sekretari-Protokoll të AQSHD) SEKRETARE
3. Aida Pali (Ndreu) (Përfaqësuese KLGJ) ANËTARE
4. Ervina Thomollari (Përfaqësuese GJKKO) ANËTARE
5. Oriona Dervishi (Gjykata e Apelit të Juridiksionit të Përgjithshëm Tiranë) ANËTARE
6. Entela Husi (Gjykata Administrative e Apelit) ANËTARE
7. Loreta Paprizo (Prokuroria e Përgjithshme) ANËTARE
8. Biandri Ahmesula (Gjykata e Shkallës së Parë të Juridiksionit të Përgjithshëm Tiranë) ANËTAR
9. Armela Rruli (Prokuroria e Gjykatës së Shkallës së Parë të Juridiksionit të Përgjithshëm Tiranë) ANËTARE
Detyrat e KEESD
  1. Komisioni Epror i Ekspertizës së Sistemit të Drejtësisë (KEESD) është organ kolegjial që funksionon pranë Arkivit Qendror Shtetëror të Drejtësisë.
  2. Komisioni Epror i Ekspertizës së Sistemit të Drejtësisë (KEESD) ka për mision miratimin e ligjshmërisë së vendimeve të Komisioneve të Ekspertizës së fondkrijuesve të të gjitha niveleve të Sistemit të Drejtësisë.
  3. Verifikon rregullsinë e listave të veçimit të dokumenteve të arkivave gjyqësore dhe hetimore të të gjitha niveleve të Sistemit të Drejtësisë, të cilat janë miratuar nga Komisionet e Ekspertizës të institucioneve gjyqësore dhe hetimore, të cilat transferojnë dokumentacionin gjyqësor dhe hetimor dhe janë të regjistruara në Regjistrin e Fondeve të Arkivit Qendror Shtetëror të Drejtësisë.
  4. Numri i anëtarëve të Komisionit Epror të Ekspertizës së Sistemit të Drejtësisë është numër tek, sipas institucioneve të miratuara në Urdhrin për miratimin e Komisionit Epror të Ekspertizës së Sistemit të Drejtësisë. Ky komision përfshin anëtarët e propozuar nga institucionet eprore të gjykatave dhe prokurorive, të cilat, sipas ligjit, transferojnë dokumentacionin arkivor pranë Komisionit Epror të Ekspertizës së Sistemit të Drejtësisë.
  5. Në rast se një nga anëtarët e Komisionit Epror të Ekspertizës së Sistemit të Drejtësisë krijon vakancë, vakanca zëvendësohet automatikisht nga një anëtar tjetër i institucionit përkatës.
  6. Komisioni Epror i Ekspertizës së Sistemit të Drejtësisë kryen funksionin e tij me shumicën e cilësuar të anëtarëve të pranishëm në mbledhje.
  7. Nëse ndonjëri nga anëtarët e Komisionit Epror të Ekspertizës së Sistemit të Drejtësisë mungon pa njoftuar arsyen në më shumë se tri mbledhje radhazi, Kryetari i Komisionit njofton institucionin propozues për mungesat e tij në Komisionin Epror të Ekspertizës së Sistemit të Drejtësisë.
  8. Në rast mungese në tri mbledhje radhazi, institucioni propozues humbet të drejtën e përfaqësimit në Komisionin Epror të Ekspertizës së Sistemit të Drejtësisë.
  9. Për zëvendësimin e këtij vendi vakant, Kryetari i KEESD-së i drejtohet për caktimin e një përfaqësuesi një institucioni tjetër të të njëjtit nivel.
  10. Anëtarët e Komisionit Epror të Ekspertizës së Sistemit të Drejtësisë, të cilët propozohen nga fondkrijuesit gjyqësorë dhe hetimorë të të gjitha niveleve, duhet të jenë në nivelin e përgjegjësit të sektorit të arkivës ose kancelarit të fondkrijuesit përkatës.
  11. Vendimet e Komisionit Epror të Ekspertizës së Sistemit të Drejtësisë merren me shumicën e votave të anëtarëve të pranishëm në mbledhje.
  12. Drejtuesi i këtij Komisioni u kërkon zyrtarisht institucioneve përkatëse që të dërgojnë, me njoftim zyrtar, propozimet për plotësimin e vendeve vakante, sipas urdhrit për ngritjen e këtij Komisioni.
  13. Në mbledhjet e Komisionit Epror të Ekspertizës së Sistemit të Drejtësisë do të njoftohen dhe do të marrin pjesë, pa të drejtë vote, edhe përfaqësuesit e fondkrijuesve që kanë përgatitur listat e veçimit, në nivelin e arkivistit ose të përgjegjësit të sektorit të arkivës përkatëse.